Kaominina miisa 11 amin'ireo 26 ao anatin'ny distrikan'Antananarivo Atsimondrano no voafidy hisitraka ny Vatsin'ankohonana dia ny kaominina Ambatofahavalo, Androhibe Antsahadinta, Antanetikely, Ampahitrosy, Tsiafahy, Ambalavao, Ambohidrapeto, Alatsinainy Ambazaha, Soalandy, Bongatsara ary Fenoarivo.

Nambaran'ny Sekretera Jeneralin'ny Faritra Analamanga , RAMANANTSOA Ramarcel Schall, izay nisolo tena ny Lehiben'ny Faritra Analamanga mpisolo toerana, RAHARINIRINA Clémence, nandritra ny atrikasa fifantenana azy ireo androany fa : zava-dehibe ho an'ny Faritra Analamanga ny fisian'ny fiahiana ara-tsôsialy ho an'ny fianakaviana tena sahirana toy izao.

Ny Vatsin'Ankohonana dia tafiditra ao anatin'ny tetikasa Haraton'Aina - Famatsiam-bola fanampiny (Filets de Sécurité et de Résilience-Financement additionnel), izay vatsian'ny Banky Iraisam-pirenena vola. Ny FID no manatanteraka ary ny Governemanta malagasy amin'ny alalan'ny Minisiteran'ny Mponina sy ny Firaisankina no mandrindra ny asa.