Tonga nitsidika sy namangy an'ilay polisy voatifitry ny jiolahy teny amin'ny Tranodimy Anosipatrana, teny amin'ny HJRA, androany alahady 6 septambra ny Lehiben'ny Faritra Analamanga mpisolo toerana, RAHARINIRINA Clémence; ny Préfet an'Antananarivo, ANDRIASY Vonjy; ny Talem-paritry ny filaminam-bahoaka eto Analamanga, Kaomisera RAFALIMANANA Alain; ireo mpitandro ny filaminana ao anatin'ny OMC ary ireo mpiara-miasa eo anivon'ny Faritra Analamanga.

Tsy nohadinoin'izy ireo koa ilay raim-pianakaviana 58 taona, mpanao cashpoint, izay voatifitry ny jiolahy teny Ampefiloha Ambodirano. Asan-jiolahy izay samy nitranga omaly sabotsy 5 septambra hariva. Samy nahazo fanohanana avokoa izy ireo amin'ny fitsaboan-tena atrehiny.